ගුණේ අයියගේ කාමරේ....

තනූජ බුලත්ගම ගජයා විසින්,

මචන්, කොල්ලෝ සෙට් එකක් එකතුවෙලා කයියක් දානවට තමා ගජේ දානවා කියලා කියන්නේ. මෙන්න මෙහෙමයි කොලු බාසාවෙන් ගජේ අර්ථ දක්වලා තිබුණේ.ඒත් මට මීටර් වුනා සම්භාව්‍ය, සසම්භාව්‍ය,කාව්‍ය, වගේම තොත්ත බබා වගේ භාෂා වලිනුත් ගජේට  ලොවෙත් අර්ථ දක්වන්න පුලුවන් වග!. අඩේ නම නම් මාරයි! දාපු ටිමල් ට මගේ හද පතුලින්ම එන ගජ ප්‍රණාමය!

ගුණේ අයියගේ කාමරේ කියල පටන් අරගෙන විකාර කියවනව කියල හිතේ ඇති නේ ද ?.....

මේකයි සීන් එක , මේකට මුලින්ම දාන්ඩ ඉදල තියෙන නම ගජේ කාමරේ නොවැ.... මට කියවපු ගමන් ටක් ගාල ඔපුවට ආවෙ ගුණේ අයියගේ කාමරේ....! මම පුංචි කාලේ සද්දෙට සෙට් එක හයියෙන් දාල තියෙද්දී ඇහුවයින් මෙහා දෙතුන් පාරක් බස් එකේ එහාට මෙහාට යද්දී ඇහෙන්න ඇති.... එත් ඒක ගජේ....ට හිතට වැදිල තිබුණා. අද කාලේ ඇහෙන සිංදු වල තේරෙන වචන කීයද තියෙන්නේ ? ඒත් ඒ වගේද පරණ සිංදු ? හ්ම්........... දැන් ඉතින් ගජ ඉලන්දාරි වෙලා එත් ඉතින් මුල මතකයි! හි හ්... මෙහෙම හිතන කොට හිතට හීන්දෑරියට (ගජේට නෙවෙයි...) සතුටක් ආවා!.

ඒකෙන් මේකෙන් ගෙදර ඇවිත් මං ලියන්ඩ මොකුත් කල්පනා කරන කොට තමා අයිඩියා ආවේ ගුණේ අයියගේ කාමරෙයි අපේ ගජේ බ්ලොග් එකයි ගජේ....ට  ගැලපෙනව නේද  බොලේ කියල. කාලෙත් එක්ක තාලේ වෙනස් වුණාට වෙන්නේ කාරිය නොවැ... නැද්ද මචන් ? වෙනස් වෙලා තියෙන්නේ බොහොම ටිකයි, පිට සායම විතරයි. ඉස්සරට වඩා දැන් කොල්ලෝ සරමින් පිට පැනල ඩෙනිමට බැහැල, තව ඉතින් අමුතු ෆැෂන් හෙයාර් ස්ටයිල් එහෙමත් දාලා..... ආතල් වෙනස් වෙලා නෑ ඒ වුනාට සර්පිනාව, ඩොලැක්කිය, තබ්ලාව එලියට විසි වෙලා D J ;  Mixer  ඇතුලට ඇවිත් Party Dance, Break Dance, Gangnam Dance බුදු අම්මෝ ගජ වැඩ කෝටියයි...... කොහෙන් කොහොමහරි දියුණු වෙලා...

කැලේ වෙනස් වුණාට කොටියගේ පුල්ලි එහෙම්මයි කියන්ඩ දාන්නද සිංදුවෙන්ම example එකක්..... මැද හරියෙන්.....  "අලි වංශෙන් වැඩ පෙන්නන සුපර් මෑන්ලා ගැන ඒ කාලේ, මගේ ගජ යාලුවෝ ගොඩක් ඉන්නව ඔයවගේ ගජ මෑන්ස්ලා....... "

අහ්! දැන් කෝකටත් දේශපාලනේ රිංගනවනේ , මම ඔන්න මේකටත් රිංගෙව්වා.... ලංකාවේ කොඩියේ ඉන්නව නේ තේජ වීර බල ඇති සිංහයෙක්.....මෙන්න මේ සිංහයා ගජ Talks දාන්න ගත්තාම ඌ මොකාද වෙන්නේ ? ඌ ගජ සිංහයෙක් වෙනව.

අපේ දේශපාලකයෝ දෙන Talks හැටියට කොඩියේ සිංහයටත් ඒකම වෙයිද කියල මට බයයි!....

අපි නම් නිතරම සිංදුවක් කියල නටල fUN ගන්ඩ සෙට් වෙනව ..... ඒත් ඉතින් ජෙම්බේ, බොංගෝ, ඩෝල REPLACE වෙලා..... මොනව කරන්නද කාලෙත් එක්ක දියුණු වෙන්නත් එපැයි!...

සොමියට වරෙන් පුතා අගුල දාල නෑ දොරේ.....

අහපන් රියල් කතා ගුණේ අයියගේ කාමරේ....

හිටපන් සයිඩ් එකෙන් වාඩි වෙලා ූූූූූ.....

මස්කට් පැණි බූන්දි තියෙනව මගේ කාමරේ....

අපේ ගජේ එකත් Loss නැතුව ඇරලා තියෙන්නේ ආතල් එක්ක කියවන්න එන හැමෝටම........

ඔක්කොම රියල් කතා No සුරංගනා.,Side එකෙන් මේක Follow කරන් දිගටමම..

ආතල් එකට  Set වෙන්ඩ මස්කට් පැණි බූන්දි වෙනුවට පැණි බේරෙන රස කතා තව Animation ; Artistic, Cartoon වැඩ කෑලි ගොඩා....ක්.

දැන්නම් ඇති , නැත්නම් මේක කියවන්න එපාවෙනව. සිංදුව ගජ ලිපියක් වෙනවා වගේ. අද මම ගජ talks දුන්න කියල බය වෙනව එහෙම නෙවෙයි ඕන්.... මොකෝ මං මේ ශාන්ත දාන්ත තීන්ත කූඩුව වගේ පොරක් මිසක් ගජේන්ද්‍ර එහෙම නෙවෙයි......

පතන්නම් ඔබ සැමට,

                                           ගජ වාසි!
                                           (තනූජ)

මෙන්න මෙහෙමයි ඇත්ත....

ටිමල් මොහාන් ගජයා විසින්,

 

  
  ඇතැමුන් එති යති නොරැඳෙති
 ඇතමුන් එති නොයති රැඳෙති
  තවත් උන් එති සිතම කළඹති
 හැර යති නමුත් සදා වධ දෙති

අපේ අලුත් වැඩේට ජය වේවා!

තෙරුවන් සරණින්! සියලු දෙවි දේවතාවුන්ගේ ආරක්ෂාවෙන් මේ කටයුත්ත සියලු ආකාරයෙන් සාර්ථකත්වයට පත් වේවා කියල හිතාගෙන ඕං හා හා පුරා කියල අලුත් වැඩකට අත තියන්නයි ලැහැස්තිය.

                     මොකක්ද මේ අලුත් කියන වැඩේ ?. ඕන් ඉතින් මීට යුගයකට පෙර (යුගයක් කිව්වට මාසයක්) මට හම්බුනා අපේ ගජ මිතුරෝ ටිකක් එක්ක රත්නපුරේ වෘත්තීය මාර්ගෝපදේශන(මේ නම මොකා දැම්මද මන්ද) වැඩ සටහනකට සහභාගී වෙන්ඩ. (අපිට මේ වැඩේ සෙට් කොරපු පසිදු මල්ලිට ගොඩක් ස්තුතියි) ඔන්න ඉතින් මෙන්න මේකේ අමුතුම වැඩ ටිකක් සිද්ද වුණා. ඒව මොනවද කියලත් මං නිවාඩු පාඩුවේ කියන්නම් කෝ! මේ ගජයන් එක්ක වැඩ ගොඩක් කලා අපි! දවසක් දා මං මේ ගජයන් එක්ක ගෙදර එන ගමන් බස් එකේදි ආව මට අමුතුම අදහසක්. ඒ තමයි මේ ඔක්කෝමල එකතු වෙලා බ්ලොග් ගයක් පටා.....න් ගන්ඩ! මං ඉතින් කෙනෙක් එක්ක බ්ලොග් ලියනව දැන් කාලෙක ඉදන්. එයා තමයි මගේ මේ බ්ලොග් කතාවෙ මුල. ඉතින් ඔන්න අයෙත් කතාව කියමුකො! ඔන්න ඉතින් වැඩිපුර කාලය නාස්ති නොකරම මම අදහස බස් එකේ පිටුපස ආසනය අරක් ගෙන හිටපු මේ ගජයන්ගේ ඔලුවට අත හැරිය.

                       නයි කයිද රෝස් පාන් කිව්වලු. (එහෙම කිව්වද ?) හැමෝම වැඩේට ඉහලින්ම කැමතියි! ඒ කියන්නේ බහුතර ආසන සංඛ්‍යාවකින් සම්මතයි! (ආසන නෙවෙයි නේද ?) මේ සිද්ධිය ඇසින් දුටු ගජයෙකු වන ටිමල් මොහාන් විසින් මේ සුන්දර ආරම්භය පසු ෆෙස්බුක් සංවාදයකදී මෙසේ කවියට නගනු ලැබුවා!

                                                                  තරු පිරි රැයක

                                            සෙනග පිරි බසයක

                                            පිටුපස අසුනක

                                            උපන් බ්ලොග් එක සිතක

                                            සැබෑවක් උන සැටි

                                            අපි එකතු උන සැටි

                                            කයි කතා ලියන හැටි

                                            බලන් එය දැක මට ඇඬෙන හැටි

 ඔන්න ඔහොමයි කතාවේ ආරම්භය! හොදයි නේද ?.......තාම මේක හදල ඉවර නෑ ! වැඩ දාල හැඩ දාල ගමුකෝ! සීමා මායිම් නැති අපේ ලෝකයේ නිදහසේ වැඩක් කරන්න පටන් ගත්ත! ජය වේවා! 
(ගජයෝ - පසිදු , ටිමල්, ශෂික , අකලන්ක, තනූජ , එයා හා මම සමිත)